Thangkhat lian zet a ral ta, nimahsela nimin ang maiin mitthlaah chuan ala thar a, ka ri hriatte pawh ala chiang a ni. Ka pu (ka nu pa) lung kan phun dawn avangin chhungkua chu buai namenloin kan buai a, mahni tumtawk vanzemah tiin keini la naupang lam deuh te pawh min tir kat dawr dawr a nih kha. Nula leh nuthlawite, la tleirawl deuh te'n awmnikhamin buh an thlei a, lungphun tur e tilo chuan fiamthu te an thawh a kan nui nasa ngei mai. A karleh mai kha lungphun hun anih tawh avangin phur salohin ka lo phur ve a, ruai te kan theh dawn bawk avangin lo thleng vat vat se ka ti ngawih ngawih a ni. Chumi ni tlai lamah chuan ka thianpa Rintea'n inkhelh puiah min sawm a, chhimveng field lamah football khel turin phur takin kan chhukthla ta a.
Hun leh darkar tuma dan rual loh a her liam ve hret hret zel a, kanu chuan, "Lung te kan phun dawn sia Nul-ah anhnah la a kal ka duh, lungphun hma in" a ti a, ka putea nen chuan kal dun an tum ta a, kanu hi thingtlang hnathawk mi, taima em em mai a ni a, unau pasarih zing a hmeichhe awmchhun a nih bawk avangin a hnathawk reng reng te hi a ti hrawk hrawk a ni ber a, hna lak tina tak mai mi a ni. Kan unau pawh hi a thiam ang tawkin min enkawl ve a, nun kawng dik min zirtirin Pathian thute pawh min hrilh thin a, rualawtin kan awm ang tih hlauin kan tan hna a thawk thin. Unau pathum zing a upa ber ka ni a, hetihlai hian ka naute chu an la te deuhhlek a, ka chhang chiah nen hian kan inkarah kum 10 bawr vel a tla a ni.
Nul kal hma zan chuan zan dang ang bawkin hun kan hmang leh a, a tuk zing hma tak a ka nute an chhuah dawn avangin kan mu hma thung a, ka nau lian zawk chu ka sirah a muhil bem tawh a, a te zawk erawh a nuar tlat mai ! A mu duh reng reng lo mai a, zan dang a tap ngai hlei lo kha a tap vak vak a, ka nun pawnah te ava awi leh rih thul, keipawh min ti muhil thei lo chu ka lo thinrim hlur mai a, mut hmunah ka insawh ka insawh mai a, pawn a va chhuah ve a va velh belh hrep tak te kha ka nap a! Nimahsela chu tap ri chu a ni tun thleng a ka beng a la reh thei lo chu. Ka hriatchhuah apiangin khawngaihna leh lainatna in ka khat a, ka lung a tichhia a ni.
A tuk zing ka han harh chuan ka nu te chu an lo liam daih tawh mai a, an kal lai ka hre miah lo kha mak ka inti lehling zawk a ni. Chumi ni pawh chu nidang ang bawkin hlim takin hun ka hmang leh a, tlai lamah ka thianpa Rintea nen bawk chhimveng lamah inkhel turin kan liam thla leh a, kan inkhelh zawh hnuah kan inbihruksiak leh zak zak a nuam kan ti ngei mai, kan inbihruksiak zawh hma in keichu ka haw ru ta daih a, in ka thleng chho tep tihin kan thianpa pakhat lo chhukthla nen kan intawk a, a ni la naupang ve bawk thu khuh thiam hek lo, "I nu a thi!!" a rawn ti ta mai a, ka alh pup in ka hria!! ka bing chuk chuk a, engtik laiin nge in ka thlen pawh ka hre hman lo, kan inah chuan mi an lo awm teuh tawh mai a, motor accident in ka nu chu a thi alo ni a, ka hrilhhai kher mai !!!
Tichuan ka pu lung phunna tur a buai ve em em ka nu chu mihring a tling zo ta silo a, lungphun hun pawh chu karkhatin kan sawn hla a KA NU LEH KA PU lung chu kan phun rual ta !! Ruhman lawk a tel hauh lo ruang pakhat leh thlan lung pakhat a awm belh ta a nih chu, hriatthiam ava har tak em! Nul kal hma zan kha ka nu damlai ka hmuh hnuhnun ber zan a ni a, a aw ka hriat hnuhnun ber zan a ni bawk, unau khum khat a kan mut tlan hnuhnun ber zan a lo ni a, ka nau tap ri ka hriat hnuhnun ber zan a ni bawk, kha zan mak danglam tak mai, a hun lai a ka thinrim pui em em si a kha tunah chuan ka hun tawn te zinga kohkir ka chak ber a ni ta!!
Hun leh darkar tuma dan rual loh a her liam ve hret hret zel a, kanu chuan, "Lung te kan phun dawn sia Nul-ah anhnah la a kal ka duh, lungphun hma in" a ti a, ka putea nen chuan kal dun an tum ta a, kanu hi thingtlang hnathawk mi, taima em em mai a ni a, unau pasarih zing a hmeichhe awmchhun a nih bawk avangin a hnathawk reng reng te hi a ti hrawk hrawk a ni ber a, hna lak tina tak mai mi a ni. Kan unau pawh hi a thiam ang tawkin min enkawl ve a, nun kawng dik min zirtirin Pathian thute pawh min hrilh thin a, rualawtin kan awm ang tih hlauin kan tan hna a thawk thin. Unau pathum zing a upa ber ka ni a, hetihlai hian ka naute chu an la te deuhhlek a, ka chhang chiah nen hian kan inkarah kum 10 bawr vel a tla a ni.
Nul kal hma zan chuan zan dang ang bawkin hun kan hmang leh a, a tuk zing hma tak a ka nute an chhuah dawn avangin kan mu hma thung a, ka nau lian zawk chu ka sirah a muhil bem tawh a, a te zawk erawh a nuar tlat mai ! A mu duh reng reng lo mai a, zan dang a tap ngai hlei lo kha a tap vak vak a, ka nun pawnah te ava awi leh rih thul, keipawh min ti muhil thei lo chu ka lo thinrim hlur mai a, mut hmunah ka insawh ka insawh mai a, pawn a va chhuah ve a va velh belh hrep tak te kha ka nap a! Nimahsela chu tap ri chu a ni tun thleng a ka beng a la reh thei lo chu. Ka hriatchhuah apiangin khawngaihna leh lainatna in ka khat a, ka lung a tichhia a ni.
A tuk zing ka han harh chuan ka nu te chu an lo liam daih tawh mai a, an kal lai ka hre miah lo kha mak ka inti lehling zawk a ni. Chumi ni pawh chu nidang ang bawkin hlim takin hun ka hmang leh a, tlai lamah ka thianpa Rintea nen bawk chhimveng lamah inkhel turin kan liam thla leh a, kan inkhelh zawh hnuah kan inbihruksiak leh zak zak a nuam kan ti ngei mai, kan inbihruksiak zawh hma in keichu ka haw ru ta daih a, in ka thleng chho tep tihin kan thianpa pakhat lo chhukthla nen kan intawk a, a ni la naupang ve bawk thu khuh thiam hek lo, "I nu a thi!!" a rawn ti ta mai a, ka alh pup in ka hria!! ka bing chuk chuk a, engtik laiin nge in ka thlen pawh ka hre hman lo, kan inah chuan mi an lo awm teuh tawh mai a, motor accident in ka nu chu a thi alo ni a, ka hrilhhai kher mai !!!
Tichuan ka pu lung phunna tur a buai ve em em ka nu chu mihring a tling zo ta silo a, lungphun hun pawh chu karkhatin kan sawn hla a KA NU LEH KA PU lung chu kan phun rual ta !! Ruhman lawk a tel hauh lo ruang pakhat leh thlan lung pakhat a awm belh ta a nih chu, hriatthiam ava har tak em! Nul kal hma zan kha ka nu damlai ka hmuh hnuhnun ber zan a ni a, a aw ka hriat hnuhnun ber zan a ni bawk, unau khum khat a kan mut tlan hnuhnun ber zan a lo ni a, ka nau tap ri ka hriat hnuhnun ber zan a ni bawk, kha zan mak danglam tak mai, a hun lai a ka thinrim pui em em si a kha tunah chuan ka hun tawn te zinga kohkir ka chak ber a ni ta!!
0 comments:
Post a Comment